هبطت أسعار النفط الخام الأمريكي، بشكل غير مسبوق، ووصل سعر البرميل لأقل من صفر دولار لأول مرة في التاريخ، ما يعني أن الولايات المتحدة ستدفع أمولا للمشترين مقابل بيع نفطها الخام!.
وأثار الأمر استغرابا كبيرا خاصة لدى العامة الذين لا يفهمون كثيرا في المصطلحات الاقتصادية المعقدة التي يتداولها الخبراء لتحليل الأخبار الاقتصادية.
وتبسيطا للقراء، شرح أحد المحللين الاقتصاديين المصريين الأمر بلغة عامية بسيطة لمتابعية عبر فيس بوك لكي يفهموا الأمر فقال ما يلي:
«حكاية النفط الأمريكي ببساطة للي مش فاهم: في أمريكا بيستخرجوا نفط صخري أكثر في التكلفة وأقل في الجودة من نفط الآبار اللي بتنتجه دول اوبك.. علشان كده أمريكا طول الوقت بتطلب من دول أوبك إنها متزودش الانتاج علشان يفضل سعر نفط الآبار ب ٦٠ دولار مثلا وسعر النفط الأمريكي الصخري ب٤٠ دولار مثلا».
وأضاف: «اللي حصل إن أوبك والسعودية تحديدا زودت الانتاج بشكل كبير فنزل سعر برميل النفط ل ٢٥ دولار، وبالتالي النفط الأمريكي الصخري اللي هو أقل جودة انهار تماما وتوقف الطلب عليه، وبقى عليهم إنهم يتخلصوا منه علشان يخلوا أماكن التخزين للنفط الجديد.. ولأن الكمية المتخرنة في أمريكا كبيرة ومفيش إقبال عليها أصبحت الولايات المتحدة بتتخلص منه بالسالب.. يعني تاخد برميل البترول وعليه دولار كمان».
