مطرب مصري يزعم تعرضه للسطو بأحد البنوك في أمريكا

في برنامج على إحدى الشاشات المصرية حل مطرب المهرجانات عمر كمال ضيفًا، وزعم عن تعرضه للسرقة في أحد البنوك الأمريكية. وتحدث عمر عن زيارته للولايات المتحدة الأمريكية في وقت سابق، وأنه كان بصدد فتح حساب بنكي بأحد البنوك هناك ونجاته من عملية سطو. تعرضه للسطو بأحد البنوك في أمريكا، قال: "كنا في لوس أنجلوس وكان معايا حد مرافق ليا طول الوقت هناك، وقالي افتح لك حساب بنكي هناك ينفعك بعدين وأنا كنت مهووس بالأفلام الوثائقية وكنت قريت تقرير أن لوس أنجلوس فيها كل يوم 50 حالة سرقة لبنوك بتحصل وقولت ده استحالة يحصل ليا، وكان ساعتها بعد الكورونا بسنة وكنت قاعد وكان في راجل واحد بس في شباك البنك، ولقيته بيتخانق معاهم وقولت انا ماليش دعوة واستكمل كمال "الراجل اللي كان مرافق معايا قالي يا عمر لو هتعرف تمشي تزحف تطلع بره يا إما تنام على بطنك ورا أي مكتب وحط ايدك على راسك قولت له ليه؟، قالي الراجل ده معاه قنبلة يا عمر وهيفجرها وأنا مكنتش عارف الراجل بيقول المرافق اللي معايا اللي فهم وكنت بحسب أن فيه مشكلة معاه في الحساب أو حاجة، مكنتش اعرف انه كان بيقولها لو محطتيش الفلوس انا هفجر الدنيا كلها، قولت له طب أنا ههرب وأنت بقى، قالي لأ ما أنا بصور عشان لو نجينا هبيع الفيلم الوثائقي ده بفلوس كتير أوي".